بـ عنوآن " قلبين "
,
,
منـــى
يآ اغلى بشر قلبي قلبي يحبه .. يحبه ويغليه
تدري وش اكثر شي ودي اسويه .. ودي اسويه
ودي اذا شفتك في ضيقه ومهموم
آخذ شقا قلبك وفي قلبي ارميه
وليـــد
من دنيتي كل شي تبغينه اخذيه
إلا الحزن والهم خليه خليه
حزني كتوف الوقت عيٌـت تشيله
والهم اللي بيا اكبر من انك تشيليه
منـــى
علمتني الحب ما بين قلبين .. مابين قلبين
يعني عمر واحد يعيشونه اثنين .. يعيشونه اثنين
طيب تعآل بنقسم العمر نصفين
نتشارك افراحه وجرحه نداويه
وليـــد
يا طير قلبي يالغلا يا ضيا العين
انتي شريكه نبض قلبي من سنين
مهما اداري عنـك احزاني تبين
لانك في قلبي وعارفه كل مافيه
منـــى
اسمع حبيبي صوت قلبي وشوفه .. قلبي وشوفه
في كل نبضه يكبر احساس خوفه .. احساس خوفه
خوفي عليك من الزمان وسيوفه
ارجوك طمٌـن خوف قلبي وهٌديـه
وليـــد
لا لا تخافين الزمان وظروفه
ما تهز قلبي اللي يحبك صروفه
بكره الحزن والهم ترحل طيوفه
وامسح جديد الحزن بأفراح ماضيه
الثلاثاء يناير 24, 2012 11:40 pm
